ჯეფ ბეზოსი კოსმოსში New Shepard-ის სარაკეტო ეკიპაჟით დღეს გაფრინდება

ჯეფ ბეზოსი, სამყაროს ყველაზე მდიდარი ადამიანი დედამიწას დღეს დატოვებს და კოსმოსში რამდენიმე წუთის განმავლობაში იმოგზაურებს.

ჯეფ ბეზოსთან ერთად იქნება მარკ ბეზოსი, მისი ძმა, ასევე 82 წლის პიონერი, უოლი ფუნკი და 18 წლის სტუდენტი.

"აღფრთოვანებული ვარ. ხალხი სულ მეკითხება, ვნერვიულობ თუ არა. ნამდვილად არ ვნერვიულობ, ცნობისმოყვარე ვარ. მსურს ვიცოდე, რას ვისწავლით", - თქვა ბეზოსმა CBS News- თან ინტერვიუში

აღსანიშნავია, რომ კაფსულას უზარმაზარი ფანჯრები აქვს, რომელიც დედამიწის განსაცვიფრებელი ხედების ნახის შესაძლებლობას იძლევა, – წერს BBC-ი. 

დღეს Blue Origin პირველ ეკიპაჟურ ფრენას New Shepard–ს დაიწყებს და ამ მოვლენის ნახვა ონლაინ იქნება შესაძლებელი. სავარაუდოდ, პირდაპირი სტრიმინგი დაიწყება დილის 07:30 საათიდან, რომელსაც უამრავი მედია გააშუქებს. ეკიპაჟი კოსმოსში გაფრენიდან 11 წუთის შემდეგ დედამიწაზე ჩამოფრინდება.

“ეს დიდი ნაბიჯია სამომავლოდ კოსმოსური ტურიზმისთვის და შესანიშნავი ნაბიჯი მისიაში, რომელიც ორი ათეული წლის წინ ჯეფ ბეზოსმა დაიწყო, როდესაც Blue Origin დააარსა,“ - ამბობს CNN– ის ანდერსონ კუპერი.