ირანი სახელმწიფო ვალის შესამცირებლად ისტორიულ ძეგლებს ყიდის
ირანი გეგმავს, გასაყიდად გამოიტანოს 19 ობიექტი,რათა, სანქციების პირობებში, ნაწილობრივ მაინც შეამსუბუქოს სახელმწიფო ვალი.
ობიექტებს გასაყიდად 22 მაისს გამოიტანენ.
ბრიტანული გაზეთის The Times-ის ინფორმაციით, გასაყიდი ობიექტების სიაშია ასევე ნავთობით მდიდარი ხუზესტანის პროვინცია ირანის სამხრეთ-დასავლეთ ირანში. სიის ერთერთი მნიშვნელოვანი ნაგებობაა რეიენის ათასწლოვანი ციხე, ასევე ყაჯარის თავადის ნასირედინ მირზას სასოფლო რეზიდენცია, რომელიც თავადის შთამომავლებს 1979 წელს, ისლამური რევოლუციის შემდეგ ჩამოართვეს.
ექსპერტები მიიჩნევენ, რომ საერთაშორისო სანქციების გამო გასაყიდად გამოტანილი ობიექტების შეძენას მხოლოდ ირანის მდიდარი ელიტა შეძლებს, რომელსაც პოლიტიკური გავლენები აქვს.
ირანული რიალის კურსი ამ ეტაპზე ისტორიულ მინიმუმზეა. ამის მიზეზი სანქციები და ის სახალხო პროტესტია, რომელიც ახალგაზრდა ქალის მაჰსა ამინის მკვლელობის შემდეგ, 2022 წლის სექტემბერში დაიწყო.
