Facebook-ი თავისი კრიპტოვალუტის წარდგენას 2021 წლის იანვარში გეგმავს
Facebook-მა შესაძლოა თავისი კრიპტოვალუტა 2021 წლის იანვარში წარადგინოს. ინფორმაციას Financial Times-ი აქვეყნებს. გამოცემა წყაროზე დაყრდნობით წერს, რომ კრიპტოვალუტა თავდაპირველად შეზღუდულ ფორმატში გამოვა.
არსებული ინფორმაციით, იანვარში Facebook-მა შესაძლოა მხოლოდ 1 stablecoin წარადგინოს, რომელიც აშშ დოლარზე იქნება მიბმული. სხვა კრიპტოვალუტების გამოშვება შესაძლოა მოგვიანებით მოხდეს. ამჟამად, კომპანია შვეიცარიის საფინანსო ბაზრების ზედამხედველისგან (FINMA) ნებართვის მიღებას ელის.
შეგახსენებთ, Libra -ს გამოშვება თავდაპირველად 2020 წლის პირველ კვარტალში იგეგმებოდა, აპრილში კომპანიამ თქვა რომ არა ერთ, არამედ რამდენიმე stablecoin-ს გამოუშვებდა, რომელთა კურსი სხვადასხვა ქვეყნის ეროვნულ ვალუტებზე იქნება მიბმული, მაგალითად აშშ დოლარზე, ევროზე, ბრიტანულ ფუნტზე და ა.შ.
