ევროპის ცენტრალურმა ბანკმა საპროცენტო განაკვეთები გაზარდა

ევროპის ცენტრალურმა ბანკმა საპროცენტო განაკვეთები 25 საბაზისო პუნქტით 3,25%-მდე გაზარდა, როგორც ეს მოსალოდნელი იყო.

ECB-მ ასევე, მიანიშნა, რომ ინფლაციის შესამცირებლად კიდევ უფრო გამკაცრება იქნება საჭირო.

20 ქვეყნის ცენტრალურმა ბანკმა, რომელთაც საერთო ევროს ვალუტა აქვთ, გასული ივლისიდან განაკვეთები ერთობლივად 375 საბაზისო პუნქტით გაზარდეს, რაც ევროს განაკვეთის გამკაცრების ყველაზე სწრაფი ტემპია. თუმცა, ვითარება აჩვენებს, რომ ახალი გამკაცრება სავარაუდოდ, ხელფასების ზრდისა და ფასების მზარდი ზეწოლითაა განპირობებული.

„პოლიტიკის განაკვეთები ევროს მიიყვანს საკმარისად შემზღუდველ დონემდე, რათა შევძლოთ ინფლაციის დროულად დაბრუნება 2%-იან საშუალოვადიან მიზნამდე და დარჩეს ამ დონეზე მანამ, სანამ საჭირო იქნება“, - განაცხადა ევროპის ცენტრალური ბანკის პრეზიდენტმა კრისტინ ლაგარდმა პრესკონფერენციაზე.

თავისი საორიენტაციო განაკვეთი მეოთხედი პროცენტული პუნქტით აშშ-ს ფედერალურმა რეზერვმაც გაზარდა - 5.00-5.25% დიაპაზონამდე - მაგრამ მიანიშნა, რომ ეს შეიძლება ბოლო ეტაპი იყოს ისტორიულად სწრაფი ზრდის სერიებში.