მსოფლიო
17/05/2023

ევროპის ყველაზე პოპულარული მოდური პლატფორმების რეიტინგის ლიდერი Trendyol-ი გახდა

ევროპაში ყველაზე პოპულარული მოდური პლატფორმების რეიტინგში პირველი ადგილი Trendyol-მა დაიკავა. რეიტინგი ბერლინის ინტერნეტ-მაღაზიების ასოციაციამ  (BVOH) შეადგინა. ინფორმაციას სააგენტო „ანადოლუ“ ავრცელებს.

ყველაზე პოპულარული ონლაინ-მოედნების რეიტინგი იმ ალგორითმით იქნა გამოთვლილი, რომელიც სპეციალურად BVOH-სთვის შეიქმნა.

წარმოდგენილი ინფორმაციის თანახმად, ბოლო პერიოდში Trendyol-ი ყველაზე განხილვად მოდურ  ბრენდად იქნა აღიარებული.

მან ასევე პირველი ადგილი დაიკავა იმ სიაში, რომელიც პლატფორმა Storyclash Influencer Marketing Platform-მა შეადგინა და რომელიც გავლენიანი ადამიანების მიერ Instagram-ში ამა თუ იმ ბრენდის ხსენების სიხშირის მიხედვითაა შედგენილი. აღნიშნულ სიაში Trendyol-ი ერთადერთი თურქული ბრენდია.

Trendyol-ი არის თურქეთში ბაზირებული, ელექტრონული კომერციის პლატფორმა, რომლის შტაბ-ბინა სტამბოლშია. იგი შედის Trendyol Group-ის სტრუქტურაში, რომელიც 2010 წელს შეიქმნა და მოდასა და საცალო ვაჭრობაზეა სპეციალიზებული.

2021 წელს Trendyol -მა რიგ ინვესტორებთან გააფორმა ხელშეკრულება 1,5 მილიარდი დოლარის მოზიდვის მიზნით. იმ დროისათვის კომპანიის ღირებულება 16,5 მილიარდ დოლარად შეფასდა.

300 ათასი დოლარის კაპიტალით შექმნილმა Trendyol-მა სხვადასხვა დროს ინვესტიციები მიიღო Tiger Global-ისა და Kleiner Perkins-სგან, ასევე ევროპის განვითარებისა და რეკონსტრუქციის ბანკისგან.2018 წელს Trendyol-ის აქციონერი Alibaba Group-ი გახდა.

Trendyol-ი ელექტრონული კომერციის ერთერთი ყველაზე პოპულარული პლატფორმაა საქართველოშიც.

Businesspartner

მთავარი სიახლეები

ბიზნესი

რა კომპანიებში ფლობს წილს ხვიჩა მაქაცარია, რომელმაც “თელასის“ 24.5%-იანი წილი იყიდა
01

09/09/2020
ბიზნესი

"პასკა გემუანი" დიაბეტურ საკონდიტრო ნაწარმს გამოუშვებს
02

30/04/2021
ეკონომიკა

საქართველოსა და კორეას შორის თავისუფალ ვაჭრობაზე მოლაპარაკებები 2024 წლის თებერვალში გაიმართება
03

03/11/2023
მსოფლიო

გამოუყენებელი სატელიტური ანტენები შვეიცარიაში მზის გიგანტურ პანელებად გადააკეთეს
04

23/10/2023
სოფლის მეურნეობა

"ქვეყანას ბოსტენეულის წარმოებაში იმპორტის ჩანაცვლების პოტენციალი გააჩნია"
05

03/11/2023
ეკონომიკა

ირაკლი ღარიბაშვილი: 2024 წლის ბიუჯეტში, 5%-იანი ეკონომიკური ზრდა გვაქვს გათვალისწინებული
06

03/11/2023