ჩინეთში რუსული ნავთობის იმპორტმა რეკორდულ მაჩვენებელს მიაღწია

მაისში ჩინეთში რუსეთიდან ნედლი ნავთობის იმპორტი გასული წლის ანალოგიურ პერიოდთან შედარებით რეკორდული 55%-ით გაიზარდა. 

ჩინეთის გენერალური საბაჟო ადმინისტრაციის მონაცემებზე დაყრდნობით CNN წერს, რომ რუსული ნავთობის იმპორტმა, მათ შორის აღმოსავლეთ ციმბირის წყნარი ოკეანის მილსადენით და რუსეთის, ევროპისა და შორეული აღმოსავლეთის პორტებიდან საზღვაო გადაზიდვებით, დაახლოებით 8,42 მილიონი ტონა შეადგინა. ეს რიცხვი კი დღიურად 1.98 მილიონი ბარელის ტოლია. 

CNN-ის თანახმად, ეს მონაცემები ცხადყოფს, რომ რუსეთმა რეიტინგში დაიბრუნა ნავთობის ყველაზე დიდი იმპორტიორის სტატუსი, რაც იმაზე მიუთითებს, რომ დასავლეთის სანქციების მიუხედავად პარტნიორების პოვნა მაინც შეუძლია. თუმცა, აღსანიშნავია, რომ რუსეთს პროდუქციაზე ფასების შემცირება მოუწია. 

ჩინეთის გენერალური საბაჟო ადმინისტრაციის მონაცემების თანახმად, ჩინეთში რუსული თხევადი ბუნებრივი აირის (LNG) იმპორტმა შეადგინა თითქმის 400,000 ტონა გასულ თვეში, რაც 2021 წლის ანალოგიურ მაჩვენებლებზე 56%-ით მეტია.