Carrefour-მა მიმწოდებლების "შესარცხვენად" ფრანგულ ქსელში "shrinkflation" ნიშნები განათავსა

სუპერმარკეტების ქსელმა Carrefour-მა ფრანგულ ქსელში სპეციალური ნიშნები განათავსა, რითაც მომხმარებელს ზომაში შემცირებულ პროდუქციაზე აფრთხილებს.

წარწერა „shrinkflation“ დახლებზე სხვადასხვა პროდუქტებთან განთავსდა, რითაც ქსელი ცდილობს, ერთგვარად, მომწოდებლები შეარცხვინოს.

CARREFOUR COMMUNICATIONS-ის დირექტორი სტეფენ ბომპაისი ამბობს, რომ სხვადასხვა პროდუქტზე გარდა მისა, რომ ფასი გაიზარდა, ასევე მწარმოებლებმა ის ზომაშიც შეამცირეს.

„აი, მაგალითად, ცივი ჩაის პროდუქტი, რომელმაც „შეკუმშვა“  განიცადა - ეს ბოთლი 1.5 ლიტრიდან 1.25 ლიტრამდე ჩამოვიდა, და ამავე დროს მისი ფასი ლიტრზე 40 პროცენტით გაიზარდა“-აცხადებს ბომპაისი. 

მისივე თქმით, ინფლაციის პერიოდი ისედაც უკიდურესად შემზღუდავია მომხმარებლებისთვის, ხოლო ეს ნაბიჯი სუპერმარკეტების ბრენდისგან მაღალი გამჭვირვალობის დემონსტრირება და მათი მსყიდველობითი უნარის მხარდაჭერაა.

„მიგვაჩნია, რომ მწარმოებლები დამატებით, ფარულ ინფლაციას ახორციელებენ. კლიენტების მიმართ ეს პატიოსანი მიდგომა  არ არის და მომხმარებელი შეიძლება მოტყუვდეს, რადგან პროდუქტი თითქმის იდენტურია იმ წინა პროდუქციისა, რომელსაც ყიდულობდნენ. დღეს 26 დასახელების პროდუქტში დაფიქსირდა წონის ან მოცულობის ვარდნა და ამასთან, გაურკვეველი მიზეზის გამო, ლიტრზე ან კილოგრამზე ფასის მატება“ - ამბობს სტეფენ ბომპაისი.

სუპერმარკეტების ქსელში განმარტავენ, რომ „shrinkflation“ ნიშნები თაროებზე მანამდე დარჩება, ვიდრე მიმწოდებლები მიდგომას არ შეცვლიან.