Bloomberg-მა მსოფლიოს ახალი მილიარდერის შესახებ აცნობა

1 მლრდ დოლარის ნიშნულს Apple -ის გენერალური დირექტორის ტიმ კუკის ქონებამ გადააბიჯა. ზრდა კომპანიის აქციების ფასების ზრდას უკავშირდება.

„კუკი შეუერთდა  ერთ-ერთ ყველაზე ელიტური ხელმძღვანელების კლუბს, იმ ადამიანებს, რომლებსაც კომპანია არ დაუფუძნებიათ. მისი კაპიტალი 1 მლრდ დოლარს აჭარბებს“, - აცხადებს Bloomberg-ი.

აღსანიშნავია, რომ გასულ კვირას Apple -ის  აქციები თითქმის 5%-ით გაძვირდა, შედეგად, კომპანიის კაპიტალიზაციამ 2 ტრილიონი დოლარს მიაღწია.

ტიმ კუკი კომპანიის 848 ათას აქციას ფლობს, ჯამური აქციების 0.02%-ს.

ამავე დროს, სააგენტო არ გამორიცხავს, რომ თუ კუკი ანონიმურად, მსხვილ თანხებს წირავს ქველმოქმედებას, მისი ქონება 1 მლრდ-ზე ნაკლებიც იყოს.