აშშ-ს ეკონომიკის სწრაფი აღდგენის მოლოდინმა ნავთობის ფასი პანდემიამდელ ნიშნულს მიუახლოვა
პირველად 2020 წლის იანვრის შემდეგ, Brent-ის მარკის ნავთობის ფასმა 60 დოლარიან ნიშნულს გადააბიჯა.
ორშაბათის ვაჭრობაზე ლონდონის ბირჟაზე Brent-ის მარკის ნავთობის ფასმა 60.10 დოლარს მიაღწია. ბოლოს 60 დოლარზე მეტი ნავთობი 2020 წლის 29 იანვარს, პანდემიის დაწყებამდე ღირდა.
დასავლეთ ტეხასური ნავთობის WTI-ის ფიუჩერსების ფასი კი, 1.19%-ით გაიზარდა და $57,53 დოლარს მიაღწია.
ნავთობის ფასის ზრდა OPEC +-ის განცხადებამ და ბაიდენის მიერ დაანონსებულმა ამერიკის ეკონომიკის სტუმულირების $1.9 ტრილიონიანმა გეგმამ განაპირობა, რამაც გააჩინა მოლოდინი, რომ აშშ-ს ეკონომიკა სწრაფად აღდგება.
2021 წელს ნავთობზე მოთხოვნის მოსალოდნელზე სწრაფ ზრდას ელიან OPEC + -შიც.
"მსოფლიოში COVID-19 -ის ვაქცინების ფართო ხელმისაწვდომობამ შეიძლება გამოიწვიოს ეკონომიკისა და ნავთობის მოხმარების უფრო სწრაფი ზრდა, განსაკუთრებით 2021 წლის მეორე ნახევარში", - მიიჩნევენ გაერთიანებში შემავალი ქვეყნები.
