Airbnb-ი IPO-ს გეგმავს
ამერიკული კომპანია Airbnb-ი 3 მლრდ დოლარის ინვესტიციის მოზიდვას აპირებს. უძრავი ქონების გაქირავების ოპერატორი ინვესტიციის მოზიდვას აქციების პირველადი განთავსების დროს შეეცდება. ინფორმაციას Reuters-ი ავრცელებს.
სააგენტოს წყაროს ცნობით, აქციების პირველადი განთავსების შედეგად კომპანიის საბაზრო ღირებულებამ შესაძლოა, 30 მილიარდ დოლარს მიაღწიოს.
აქციების საჯარო განთავსება დეკემბერშია დაგეგმილი, თუმცა ვადებზე შესაძლოა, ცალკეულმა ფაქტორებმა იქონიოს გავლენა, მათ შორის, ამერიკაში 3 ნოემბერს დაგეგმილმა საპრეზიდენტო არჩევნებმა.
Wall Street Journal-ის ცნობით, 2017 წელს Airbnb-ი 31 მილიარდ დოლარად იყო შეფასებული, თუმცა კორონავირუსის პანდემიის შედეგად მიყენებული ზარალის გამო 18 მილიარდის ღირებულება დაკარგა. კომპანიის ამჟამინდელი ღირებულება 21 მილიარდი დოლარია.
უძრავი ქონების გაქირავების ოპერატორი კომპანია საქართველოშიც აქტიურია და საკმაო პოპულარობით სარგებლობს.
ფოტო: Los Angeles Times
