"ვითიბიმ" 100 000-ზე მეტი კლიენტი "დააპორტირა"

"ვითიბიმ" "ბაზისბანკისთვის" საცალო პორტფელის გაყიდვით 80 000-ზე მეტი საცალო მსესხებელი გადააპორტირა, ამას ემატება დეპოზიტარებიც. საფინანსო ბაზარი ტრანზაქციას წარმატებულად აფასებს (ოპერატიულობა მომხმარებელთა ინტერესების დაცვას ემსახურებოდა) და ამავე ტემპით ელის  კორპორაციული ქეისის გასხვისებასაც.  

ამ დროისთვის "ვითიბი ბანკის ჯორჯია" მსხვილ კრედიტორთა ტოპ-ს ეთიშება, მე-4-დან მე-10 პოზიციაზე გადაინაცვლა. 27 თებერვლამდე კი საკრედიტო დაბანდება 1.5 მლრდ ლარს აღემატებოდა.

ეს სტანდარტულ მოცემულობაში პოზიციების დაკარგვად შეფასდებოდა, თუმცა არა ბაზრიდან გამსვლელი ბანკისთვის. "ვითიბის" დანარჩენ აქტივზეც (უძრავი ქონება, შენობა-ნაგებობები საცავები და საოპერაციო დარბაზები) მაღალ მოთხოვნას ელიან. საბანკო ინფრასტრუქტურისთვის ყველაზე მიმზიდველია.

საბანკო ბაზარი "ბაზისბანკის" გაძლიერებას ელის და კონკურეციის ზრდას. "ვითიბის" ₾650 მლნ-იანი დეპოზიტების პორტფელიც ჩინური ჰუალინგ ჯგუფის "ბაზისბანკმა" შეიძინა.

როგორც იცით, უკრაინაზე რუსეთის თავდასხმის მე-4 დღეს, სანქცირებულ რუსულ ბანკებში მოყვა "ვითიბიც", რომელიც საქართველოს ბაზარზე შვილობილი ბანკით არის წარმოდგენილი და რომლის 59.3%-ის მესაკუთრე სახელმწიფოა.

"ვითიბის" ახლადგასხვისებულ  600 მლნ-ის სასესხო პორტფელის 60%-ზე მეტი იპოთეკურ სესხებზე მოდის. "ბაზისბანკისთვის" საცალო პორტფელი კარგი შენაძენია, აქტივი დაბალრისკიანია. მხოლოდ 2.8% მოდის პრობლემურ კრედიტებზე.  

წყარო: ვითიბი ბანკი ჯორჯია