ვახტანგ ბუცხრიკიძე: ვიმედოვნებთ, საბანკო სექტორისთვის წლის მეორე ნახევარი უკეთესი იქნება
„თიბისი ბანკის“ გენერალური დირექტორი ელის, რომ საბანკო სექტორისთვის წლის მეორე ნახევარი მომგებიანობის კუთხით უკეთესი იქნება. ვახტანგ ბუცხრიკიძის განცხადებით, სექტორისთვის პირველი კვარტალი საკმაოდ რთული იყო.
„საკმაოდ რთული პირველი კვარტალი გვაქვს. ალბათ, მეორე კვარტალიც ასე იქნება. გამომდინარე ეკონომიკური მდგომარეობიდან და ვაქცინაციის პროცესიდან. ჩვენ შედარებით უკეთესი ეკონომიკური მოლოდინი 2021 წლის მეორე ნახევარში გვაქვს. ვფიქრობთ, პირველი ორი კვარტალი მომგებიანობის კუთხითაც არ იქნება გამორჩეული. ეკონომიკური მდგომარეობა წლის მეორე ნახევრიდან სავარაუდოდ , გაუმჯობესდება და შესაბამისად, ბანკებისთვისაც მომგებიანობაც უკეთესი იქნება,“-განაცხადა ვახტანგ ბუცხრიკიძემ.
ცნობისთვის, საბანკო სექტორმა თებერვალი 132 მლნ ლარის წმინდა მოგებით დახურა, რაც გასული წლის ანალოგიური პერიოდის მაჩვენებლებთან შედრებით 32 მლნ ლარით მეტია.
