ვადის დამოკლებით დაკრედიტება 1%-ით შემცირდება

სამომხმარებლო სესხის ვადის დამოკლება დაკრედიტებას 1%-ით შეანელებს, - ვადის 4-დან, 3 წლამდე შემცირების მიზანი სებ-ის მაკროეკონომიკის და სტატისტიკის დეპარტამენტის უფროსმა, შალვა მხატრიშვილმა განმარტა.

15 აგვისტოდან 4 წლიან არაუზრუნველყოფილ სესხს მსესხებლის მხოლოდ ის კატეგორია მიიღებს, რომელიც PTI -ს (სესხის მომსახურების კოეფიციენტი) 3 წლიან ვადაზე დააკმაყოფილებს. ბანკის საკრედიტო ექსპერტების განმარტებით,  მოქმედი რეგულაციით, მსესხებელი სესხის დაგრძელვადიანებით თვის შესატან ულუფასაც იმცირებს და მოცულობას იზრდის. 15 აგვისტოდან  ვეღარ გაიზრდის და თავის შემოსავლის პროპორციულად, უფრო ნაკლები მოცულობით აიღებს. მსგავსი რეგულაცია, გაზაფხულზე უზრუნველყოფილ სესხებზე ამოქმედდა. მსესხებლის გადახდისუნარიანობა +3% მეტობით შეფასდა.

არაუზრუნველყოფილი სესხის ვადის 3 წლამდე დამოკლება სებ-ის პრეზიდენტმა ოთხშაბათის მპკ-ს შემდეგ დაანონსა, რაც როგორც ბანკებში გვითხრეს სექტორისთვისაც სიურპრიზი აღმოჩნდა.

ასე რომ სავალუტო რეგულაციას, ლარის დაასწრებს. სებ-ის პრეზიდენტის გაცხადებულ საზაფხულო ცვლილებამდე, საშემოდგომო, სებ-ის ვიცე-პრეზიდენტმა დაანონსა. არჩილ მესტვირიშვილის ბრძანებით, სექტემბრიდან მსესხებლის დეპოზიტით უზრუნველყოფილი ვალდებულებები ჯამურში აღარ გაითვალისწინება. შედეგად სავალუტო სესხზე უფრო ნაკლებს მიუწვდება ხელი.

სებ-ის ზედამხედველების ინფორმაციით, აღნიშნული რეგულაციები ბანკს პორტფელის გაპრობლემებისგან დაიცავს, მსესხებლებს კი ჭარბვალიანობისგან. თუმცა ზრუნვას თავად მსესხებლები ვერ გრძობენ, რადგან სესხის გაძვირებით მდგომარეობა უმძიმდებათ.

H1/2022-ის მდგომარეობით, სამომხმარებლო სესხების პორტფელი 7 მლრდ ლარს შეადგენს, მათ შორის  830 მლნ ლარამდე მოდის სავალუტო სესხებზე.

სულ, საბანკო დაკრედიტება 43,7 მლრდ ლარია და თითქმის ნახევარი (21.2 მლრდ ლარის) სავალუტოზე  მოდის.

სამომხმარებლო სესხებში  (1.2 მლნ სესხია გაცემული) 378  მლნ ლარის  პრობლემური კრედიტები რჩება.  მათ შორის 5.5%-მდეა გამრობლემებული აშშ დოლარში, 5.7%-მდე ლარში და 4%-ის ფარგლებში ევროში.