თიბისის მობაილ და ინტერენტბანკს უსაფრთხოების დამატებითი მეთოდები ემატება

მეტი უსაფრთხოებისთვის, თიბისის მობაილ და ინტერნეტბანკს აპლიკაციაში შესვლისას და ტრანზაქციების შესრულებისას ორმაგი აუთენტიფიკაციის მეთოდი ემატება.

20 მარტიდან, მომხმარებლებმა საბანკო გადარიცხვების შესრულებისას (50 ლარს ზემოთ), ასევე აპლიკაციაში ავტორიზაციის გავლისას SMS კოდი უნდა შეიყვანონ.

რეგულაცია ეროვნული ბანკის ინიციატივით ხორციელდება და ის მომხმარებლებისთვის დამატებითი უსაფრთხოების უზრუნველყოფას ისახავს მიზნად.

პროცესების და ყოველდღიურობის გასამარტივებლად, თიბისი მომხმარებლებს სანდო მოწყობილობის და კონტაქტების ფუნქციონალის გააქტიურებას სთავაზობს, რაც დაზოგავს მათ დროს.

· სანდო მოწყობილობის გაატიურება

თუ მომხმარებელი ამ ფუნქციას გაიაქტიურებს, მას მობაილ ან ინტერნეტბანკში შესვლისას ერთჯერადი უსაფრთხოების კოდის შეყვანა არ მოუწევს. სანდო მოწყობილობის ფუნქციონალის გააქტიურება შესაძლებელია „პარამეტრების“ განყოფილებაში (თუ 20 მარტამდე მომხმარებლს სანდო მოწყობილობა უკვე დამატებული ჰქონდა, მისი გააქტიურება ხელახლა იქნება საჭირო).

· სანდო მიმღების დამატება

სანდო შაბლონი/მიმღების დამატების შემთხვევაში, მომხმარებელს თანხის გადარიცხვისას, ერთჯერადი უსაფრთხოების/დიჯიპას კოდის შეყვანა არ დასჭირდება. სანდო შაბლონის დამატება ტრანზაქციის შესრულების შემდეგ და ასევე, შაბლონების გვერდიდანაცაა შესაძლებელი.

დამატების შემდეგ, მომხმარებელს სანდო შაბლონი 24 საათში გაუაქტიურდება.

გამარტივებული ფუნქციონალებით სარგებლობისთვის მომხმარებელს მობაილბანკის აპლიკაცია განახლებული უნდა ჰქონდეს.

დეტალური ინფორმაციის მიღება შესაძლებელია ბმულზე