თიბისის აქციები MSCI UK Small Cap Index-ში ჩაერთვება

თიბისის აქციები MSCI United Kingdom Small Cap Index-ში ჩაერთვება.

TBC Bank Group-მა აქციონერებს უკვე აცნობა, რომ ინდექსს ქართული ბანკის აქციები 30 ნოემბრიდან დაემატება და ძალაში შევა 1 დეკემბრის ვაჭრობიდან.

MSCI UK Small Cap Index შექმნილია დიდი ბრიტანეთის ბაზარზე მცირე კაპიტალიზაციის სეგმენტის გასაზომად.

აღსანიშნავია, რომ გასულ კვირას, თიბისი ბანკის ჯგუფის (TBCG LN) აქციები დაიხურა 9.60 ბრიტანულ ფუნტ სტერლინგში (GBP), +4.46% წინა კვირასთან შედარებით და -4.76% წინა თვესთან შედარებით. ვაჭრობის მოცულობამ 317 ათასს გადააჭარბა, GBP 8.98 – 9.92 დიაპაზონში.