თიბისი ბანკი წელს საკრედიტო პორტფელის 18-20%-იან ზრდას ელის

თიბისი ბანკის გენერალური დირექრტორი აღნიშნავს, რომ წელს საკრედიტო პორტფელი 18-20%-ის ფარგლებში გაიზრდება, ამ მოლოდინს, როგორც ბუცხრიკიძე ამბობს ის ფაქტი ამყარებს, რომ 2022 წელს ეკონომიკა ზრდის კარგი დინამიკა გვქონდა.

„რაც შეეხება იმას, რამდენად მოახდინა გავლენა რეფინანსირების განაკვეთმა სესხებზე, აქ შეგვიძლია დადებითად აღვნიშნოთ, რომ 2022 წელს ეკონომიკა ზრდის კარგი დინამიკით ხასიათდება. თიბისის პროგნოზით, რეალური წლიური ეკონომიკის ზრდა 10%-ზე მეტი იქნება და რაც უზრუნველყოფს იმას, რომ საპროცენტო განაკვეთების ზრდის მიუხედავად, როგორც ლარში, ასევე უცხოურ ვალუტაში, საკრედიტო პორტფელის ზრდა 18%-20%-ის ფარგლებში ვპროგნოზირებთ.

რომ შევაჯამოთ, რა თქმა უნდა, გამოწვევაა, რომ ინფლაციის გამო რეფინანსირების განაკვეთი გაიზრდა და შესაბამისად სესხები გაძვირდა, მაგრამ ეკონომიკის რეალურმა ზრდამ, ეკონომიკასა და შესაბამისად საკრედიტო პორტფელის ზრდა უზრუნველყო“, - ასღნიშნა ბუცხრიკიძემ.