თიბისი აზერბაიჯანულ Yelo Bank-ში წილს აღარ იყიდის

თიბისი აზერბაიჯანულ Yelo Bank -ში წილს აღარ იყიდის. გარიგების ჩაშლაზე თიბისი ბანკის გენერალურმა დირექტორმა ვახტანგ ბუცხრიკიძემ ინვესტორებს აცნობა.

„შეთანხმების ვადა Yelo Bank-თან 2020 წელს ამოიწურა, იმ დრომდე, ვიდრე TBC Kredit-ის და Yelo Bank-ის შერწყმა მოხდებოდა. ჩვენი შვილობილი TBC Kredit-ი აზერბაიჯანის ბაზარზე ძველებურად გააგრძელებს ოპერირებას. საერთაშორისო გაფართოების ძალისხმევა ორიენტირებული იქნება უზბეკეთის ბაზარზე”, - წერს ვახტანგ ბუცხრიკიძე.

უზბეკეთში საბანკო საქმიანობის ლიცენზია თიბისიმ 2020 წლის გაზაფხულზე მიიღო და აქტიურად ავითარებს შუა აზიურ ქვეყანაში ბიზნესს.

თიბისის Yelo Bank -ში (ყოფილი Nikoil Bank) ჯერ 10%-ი უნდა ეყიდა, მომდევნო 3 წელში კი, წილი 50%-ს +1%-მდე უნდა გაეზარდა.