"ტერა ბანკი" დოლარის გადარიცხვებს აიაფებს
აშშ დოლარის გადარიცხვებზე, გადასახადის განულების შემდეგ, "ტერა ბანკი", ბიზნეს კლიენტებისთვის, $15-იან საკომისიოს წლის ბოლომდე შეინარჩუნებს.
15 აგვისტომდე მოქმედი აქციით, 5 კონტინენტზე 112 ქვეყანაში (სანქცირებული რუსეთ-ბელარუსის გარდა) კომპანიებისთვის დოლარში გადარიცხვების საკომისიო 0% -ია.
პირობები 15/05-15/08 პერიოდში, Visa B2B Connect-ით (საერთაშორისო ანგარიშსწორების პლატფორმა) USD $ -ში შესრულებულ გადარიცხვებზე მოქმედებს. მანამდე გადარიცხვის საკომისიო 0.2% (მინ. $15) იყო. აქცია ევროს ტრანზაქციებს არ ეხება და ტარიფი ასევე 0.2%-ით (მინ. 20 ევრო) განისაზღვრება.
"ტერა ბანკში", მაისის მდგომარეობით, 567,2 მლნ ლარის იურიდიული პირების ანაბრებია (მიმდ, ანგარიშები, ვადიანი და მოთხოვნამდე დეპოზიტები, საბანკოს გარდა). სულ, ფიზიკური პირების ანაბრების ჩათვლთ, პორტფელი 957 მლნ ლარს აღემატება, რომლის 54% სავალუტო დეპოზიტებზე მოდის.
არაბი შეიხების ბანკი, 193 მლნ ლარის სააქციო კაპიტალით, მსხვილაქტივებიან ბანკებში, 2.2% წილით, მე-7 -ა, საკრედიტო დაბანდებით კი 2,45% -იანი წილით, მე-6 ადგილს "პროკრედიტ ბანკთან" ინაწილებს. ROE (მომგებიანობა კაპიტალზე) 15.3%-ია (01.05.2022 - 18.7%).
| 01.05.23 ₾ | 01.05.22 ₾ | |
| აქტივები | 1,455,244,000 | 1,383,709,000 |
| სესხები - | 1,097,743,000 | 1,011,349,000 |
| - დან შემოსავალი | 41,887,000 | 33,773,000 |
| დეპოზიტები | 957,063,000 | 851,141,000 |
| გადახდილი %% | 17,137,000 | 12,106,000 |
| წმინდა მოგება | 9,605,000 | 10,022,000 |
| საზ. კაპიტალი | 231,996,000 | 198,030,000 |
წყარო: კომერციული ბანკი
