ტექნოლოგიებისა და დიჯიტალ სივრცეში განვითარება - თიბისი განვითარების ახალ ეტაპზე გადადის

ტექნოლოგიებისა და დიჯიტალ სივრცეში განვითარება - თიბისი განვითარების ახალ ეტაპზე გადადის. არსებობის 30 წლიანი ისტორიის განმავლობაში ქართული ბანკი ქვეყნის ფარგლებს გასცდა და უკვე აზერბაიჯანსა და უზბეკეთის ბაზარზეც აქტიურად არის წარმოდგენილი. ამ დროისთვის სახელმწიფო პროგრამების ფარგლებში ბანკმა 2 მლრდ დოლარით 4600 კომპანია დააფინანსა, საქართველოსა და უზბეკეთში კი ერთიანობაში 3.6 მილიონი მომხმარებელი ჰყავს.

თიბისის ჯამური აქტივები 25 მილიარდ ლარია, დეპოზიტები კი 15 მილიარდს შეადგენს. საქართველოს ეკონომიკის დაკრედიტების წილი 72%-ია, საიდანაც თიბისის 40%-მდე უკავია.

დაფინანსებული სექტორებიდან ღვინის სექტორში თიბისის წილი 33%-ია, დაფუძნებიდან დღემდე კი 123 ათასი ტონა ყურძნის შეძენა და 380 ჰექტარზე ვენახების გაშენება დაფინანსდა. ტურიზმში მისი წილი 44%-ია, ამავე პერიოდში კი 44 სასტუმრო კომპლექსი აშენდა, რომელიც 6400 - ზე მეტ ოთახს აერთიანებს. საცალო ვაჭრობის მიმართულებით კი კომპანიის წილი 45%-ია, გაიხსნა 640 სავაჭრო ობიექტი და დასაქმნდა 5400-ზე მეტი ადამიანი.