სებ-მა ვალის ამომღები კომპანია დააჯარიმა
სებ-მა "კრედიტ ექსპერტი" 5 000 ლარით დააჯარიმა. ზედამხედველის ინფორმაციით, სესხის გამცემ სუბიექტს (სგს) ფინანსური მონიტორინგის სამსახურში პირველადი აღრიცხვის ფორმის წარდგენა დააგვიანა.
აღნიშნული დარღვევა სებ-ის პრეზიდენტის №218/04 ბრძანებით დამტკიცებული „სესხის გამცემი სუბიექტისთვის ფულადი ჯარიმის ოდენობის განსაზღვრის, დაკისრებისა და აღსრულების წესის“ 21 მუხლის მე-2 პუნქტის „ა“ ქვეპუნქტის შესაბამისად 5 000 ლარით სანქციას ითვალისწინებს.
აღნიშნული შპს სებ-ში რეგისტრირებულია სგს-ს სტატუსით.თუმცა Beta Kapital -ის (ლატვიური შპს, დირექტორი ირინა ბუდნიცკა (უკრაინა) წევრი სუბიექტის ძირითადი საქმიანობაა პრობლემური ვალების ამოღება. მისი კლიენტები არიან ბანკები, მისოები და სხვა არასაბანკო და საბანკო საფინანსო ინსტიტუტები.
Beta Kapital AS უფინანსებს Beta Kapital ჯგუფის დაქვემდებარებაში მყოფ კომპანიებს შიდა სესხებს, რათა მიიღონ დავალიანების პორტფელი ადგილობრივი ფინანსური საწარმოს კრედიტორისგან (ბანკები, არასაბანკო კრედიტორები) და კორპორატიული მომხმარებლებისგან.
კომპანიის ინფორმაციით, ის დავალიანებას მართავს, არაპროფილური დავალიანების პორტფელის შესყიდვით და უზრუნველყოფს მე-3 მხარის ვალის საინკასაციო მომსახურებას.
სებ-ი უფლებამოსილების ფარგლებში, ადგილზე ინსპექტირების გზით რეგულარულად ამოწმებს საფინანსო სექტორის წარმომადგენლებს.
შემოწმების შედეგად, ფინანსური ინსტიტუტისთვის განისაზღვრება შესაბამისი რეკომენდაციები და გასატარებელი ღონისძიებები. საფინანსო სექტორის წარმომადგენელს, საზედამხედველო ზომის სახით, შესაძლოა ასევე ფულადი ჯარიმაც დაეკისროს. ფინანსური ინსტიტუტების მიმართ საქართველოს ეროვნული ბანკის მიერ სანქციების დაწესება მიზნად ისახავს მათი შიდა კონტროლის მექანიზმების გაუმჯობესებას.
