ფინანსები
27/01/2021
სებ-მა წლის პირველივე თვეს ბაზარს უკვე $80 მლნ მიაწოდა
ეროვნული ბანკი სავალუტო ბაზარზე აქტიურად რჩება. წლის პირველივე თვეს ცენტრალურმა ბანკმა უკვე მეორე ინტერვენცია განახორციელა და სავალუტო აუქციონზე სებ-მა 40 მლნ დოლარი გაყიდა.
წელს პირველი ინტერვენცია, ასევე 40 მლნ დოლარის მოცულობით 6 იანვრის აუქციონზე გაიყიდა.
საშუალო შეწონილმა გაცვლითმა კურსმა 3.2964 შეადგინა.
COVID-ით გამოწვეული არასტაბილურობის ფონზე, ეროვნულმა ბანკმა პანდემიურ 2020 წელს პირდაპირი ინტერვენციების გზით სავალუტო ბაზარს დაახლოებით $873 მლნ დოლარი მიაწოდა.
ახალ Bmatch პლატფორმაზე გასულ წელს სებ-მა $50 მლნ-მდე ივაჭრა.
