სებ-მა 6 თვეში Bmatch-ზე $70 მლნ-მდე იყიდა
ბლუმბერგის Bmatch პლატფორმაზე სებ-ის ტრანზაქციები იზრდება. ეროვნულმა ბანკმა ივნისში $23 მლნ-ის ფარგლებში შეისყიდა და ამ არხით, ბაზარს 69 მლნ ლარის ლიკვიდობა მიაწოდა.
სებ-ის „თვის მიმოხილვით“ მაისში სებ-მა Bmatch-ზე $21.3 მლნ, სავალუტო აუქციონზე კი $10 მლნ შეისყიდა და მიმოქცევაში 90 მილიონი გაუშვა, რაც დააკორექტირა $45 მლნ-ის გაყიდვებმა შიდა სამთავრობო კონვერტაციებით. მთლიანობაში შიდა სამთავრობო კონვერტაციებით და სავალუტო ინტერვენციებით, წმინდა უცხოური აქტივები დაახლოებით 14 მლნ აშშ დოლარით შემცირდა.
მონეტარული ოპერაციებით მაისში ლიკვიდობა 65 მლნ ლარით შემცირდა. მ.შ. რეფინანსირების სესხები წინა თვესთან შედარებით 90 მლნ ლარით, 2,7 მლრდ-მდე გაიზარდა (ივნისში 100 მლნ-ით მატებაა, 30/06: ნაშთი ₾2.8 მლრდ). ერთთვიანი სესხის მოცულობა უცვლელად 400 მლნ ლარზე შენარჩუნდა, ერთდღიანი სესხი 230 მლნ ლარით შემცირდა.
ამავე პერიოდში, მცირე და საშუალო ბიზნესის ლიკვიდობის მხარდამჭერი სესხის ნაშთი 15.2 მლნ ლარით, 490 მლნ ლარამდე შემცირდა (ივნისში კიდევ 13 მლნ-ით შემცირდა).
ბოლო საანგარიშო თვეში განაღდებების მოცულობა გაიზარდა, რამაც ბანკებში ლიკვიდობა 20 მლნ-ით შეამცირა. ივნისში კი ნაღდ ფულზე მოთხოვნა თითქმის გახუთმაგებულია, 90 მლნ სამმაგებულია, რაც საბანკო სისტემის ლიკვიდობაზე აისახა.
|
მარტი-მაისი (Bmatch ) |
||
|
წელი |
გარიგებების რაოდენობა |
გარიგებების მოცულობა |
|
2021 |
1687 |
$ 208,440,000.00 |
|
2022 |
2660 |
$ 373,380,000.00 |
წყარო: სებ-ი
წელს (იანვარ-ივნისში) სებ-მა Bmatch 70 მლნ აშშ დოლარამდე (წმინდა) შეისყიდა. სავალუტო აუქციონებით წმინდა გაყიდვებმა კი ₾ 29 570 000 შეადგინა.
Bmatch-ზე სებ-ი, 4 მისო, 13 კომერციული ბანკი, 3 არასაფინანსო კომპანია (ვისოლი, მაგთი, რომპეტროლი) და 2 ფონდია (საპენსიო სააგენტო, Eaton Vance...).
