ფინანსები
05/04/2023
სებ-ის საბჭოს წევრობის 19 მსურველიდან 8 კანდიდატთან გასაუბრება გაიმართება
საქართველოს პრეზიდენტის ადმინისტრაციის ინფორმაცით, საქართველოს ეროვნული ბანკის საბჭოს ვაკანტურ თანამდებობებზე შესარჩევად საქართველოს პრეზიდენტის ადმინისტრაციაში სულ 19 განაცხადი შემოვიდა.
განაცხადების განხილვის ეტაპი დასრულდა და შეირჩა 8 კანდიდატი, რომლებთანაც გასაუბრება მომავალ კვირაში გაიმართება.
ადმინისტრაციის ინფორმაციითვე, გასაუბრების შედეგად შეირჩევა საქართველოს ეროვნული ბანკის საბჭოს წევრობის კანდიდატები, რომლებსაც პრეზიდენტი, კონსტიტუციის შესაბამისად ასარჩევად პარლამენტს წარუდგენს.
შეგახსენებთ, პრეზიდენტის ადმინისტრაციაში ეროვნული ბანკის საბჭოს წევრობაზე განაცხადის გაგზავნა 15 მარტამდე იყო შესაძლებელი.
