სებ-ის რეგულაცია დეპოზიტების დედოლარიზაციას არ შეაფერხებს

საბანკო სექტორის მოლოდინები არ გამართლდა. ბანკები სებ-ისგან სავალუტო სესხის შეწონვის და სარეზერვო მოთხოვნის კოეფიციენტების შეცვლას ელოდნენ. ცვლლება კი სავალუტო დაკრედიტების ₾200 000 -იანი ზღვარს შეეხო.

შეზღუდვის  შემოღებიდან (ბახტაძეს და ვანო მაჭავარიანის ფინანსთა მინისტრობის პერიოდი) დღემდე  ექსპერტები, ზედამხდველები, ლობისტები და ასევე ბაზრის მონაწილეები ირწმუნებოდნენ, რომ სამოქალაქო კოდექსით დასარეგულირებელი ეს ნაწილი  ფინანსთა სამინისტროს პრეროგატივა იყო.

თუმცა სებ-ის ვიცე-პრეზიდენტის ივლისის ბრძანებით შექმნილი რეგულაციით, 1 სექტემბრიდან  ₾200 000-მდე სავალუტო დაკრედიტება შესაძლებელი ხდება, ბანკის მსესხებელ  სავალუტო დეპოზიტარისთვის. 

ამასთან  მსესხებლის ჯამური ვალდებულებების  დათვლისას  ფულადი სახსრებით უზრუნველყოფილი ვალდებულებები აღარ გაითვალისწინება, ასევე 1 სექტემბრიდან.  რაც იმას ნიშნავს, რომ ₾200 000 -დან სესხის უცხოურ ვალუტაში აღება სულ უფრო  ნაკლებ პოტენციურ მსესხებელს შეეძლება.

ბანკების ლობი ალეკო ძნელაძე აღნიშნავს, რომ წახალისება/შეზრუდვის  რეგულაცია, ორივე მიმართულებით (₾200 000-მდე  სავალუტო სესხზე ხელმისაწვდომობა და  ₾200 000-დან შეზღუდვა) საგრძნობ  ცლილებებს არ გამოიწვევს. რადგან პოტენციურ ბენეფიციართა მცირე კონტინგენტს შეეხება.

შესაბამისად, ცვლილება  არც დეპოზიტების დოლარიზაციის ზრდას განაპირობებს.  რომლის საპირისპირო რეგულაცია : „დეპოზიტების დედოლარიზაციის მაჩვენებელზე მიბმული სარეზერვო სისტემა“ სებ-მა  ცოტა ხნის წინათ აამოქმედა : ბანკისთვის,  დეპოზიტების  დოლარიზაციის დაბალი კოეფიციენტით (<40%) სარეზერვო მოთხოვნა 15%პ-ით შეამცირა,  >70%-ის შემთხვევაში 25% დატოვა.