ფინანსები
09/12/2020
სებ-ის პრეზიდენტი ეკონომიკის 5%-იან ვარდნას რეალისტურად მიიჩნევს
დღევანდელი გადმოსახედიდან 2020 წელს 5%-იანი ვარდნის პროგნოზი საკმაოდ რეალისტურია, - ამის შესახებ ეროვნული ბანკის პრეზიდენტმა მონეტარული პოლიტიკის სხდომის შემდეგ გამართულ პრესკონფერენციაზე განაცხადა.
კობა გვენეტაძე მიიჩნევს, რომ დეკემბერში ვარდნამ 10 თვის ვარდნის მონაცემებს არ უნდა გადააჭარბოს და ის დაახლოებით 5.1%-ის ფარგლებში იქნება.
სებ-ის პრეზიდენტის თქმით, ეკონომიკას ეხმარება საკრედიტო აქტივობა, რომელიც შენარჩუნებულია. მისი თქმით, 2021 წელს ეკონომიკის 5%-იანი ზრდა შესაძლებელი იქნება, თუმცა, გასათვალისწინებელია ისიც, რომ პანდემიისას პროგნოზების გაკეთება რთულია, რასაც არსებული ბევრი გაურკვევლობა განაპირობებს.
