სებ-ი რეფინანსირების სესხებს ზღუდავს

სებ-ი გირაოს ბაზას ავიწროვებს. ცვლადგანაკვეთიანი სესხების დალომბარდებით ბანკები გაზაფხულიდან სებ-ისგან რეფინანსირების სესხებს ვეღარ მიიღებენ.

ამ დროისთვის ბანკების მთლიანი პორტფელის მეოთხედი -10 მლრდ ლარამდე მოდის ცვლადგანაკვეთინ კრედიტებზე. 180 000 -ზე მეტი სესხი.

გირაოს ბაზა რამდენიმე სახეობის აქტივს მოიცავს, მათ შორის სებ-ის და მთავრობის ფასიან ქაღალდებს. ასევე საერთაშორისო საფინანსო ინსტიტუტების გამოშვებული ლარით დენომინირებული სასესხო ფასიან ქაღალდებს და ბანკების სასესხო აქტივებს.

ამასთან ცვლადგანაკვეთიანი სესხები რეფინანსირების განაკვეთს აღარ მიებმება. რაც იმას ნიშნავს, რომ თუ სებ-მა საგაზაფხულოდ განაკვეთი შეამცირა (რაც ნაკლებსავარაუდოა), მსესხებელს პროცენტი არ შეუმცირდება, თუ ბანკთაშორის ბაზარზე განაკვეთი უფრო მაღალ ნიშნულზე იქნება.

თუმცა მსესხებელი არ უნდა შეშინდეს. ბანკი სასესხო პირობებს ცალმხრივად არ შეუცვლის, შეუთანხმებს.
ბანკირების თქმით, სასესხო პირობებს, მათ შორის განაკვეთის გადახედვის პერიოდულობას სასესხო კონტრაქტი დაარეგულირებს.

ცვლადგანაკვეთიანი სესხების რეფინანსირებიდან ჩახსნის შემდეგ, ამ ეტაპზე TIBR-ზე მიბმა განიხილება. გირაოს ბაზაში კი ბანკების ცვლადგანაკვეთიანი სესხების პორტფელი, covered bond –მა უნდა ჩაანაცვლიოს. თუმცა ჯერ კანონი მისაღებია, ქონებით უზრუნველყოფილი ბონდები კი გამოსაშვები.