ფინანსები
31/05/2023
სებ-ი ეკონომიკური ზრდის პროგნოზს ზრდის მიმართულებით დააკორექტირებს
ეროვნული ბანკი ეკონომიკური ზრდის პროგნოზს ზრდის მიმართულებით დააკორექტირებს.
როგორც ეროვნული ბანკის ვიცე-პრეზიდენტმა, პაპუნა ლეჟავამ აღნიშნა, ამ კუთხით სებ-ი ზაფხულის ბოლოს იმსჯელებს.
„მშპ-ს ზრდის პროგნოზი ჯერ-ჯერობით 5% გვაქვს, თუმცა არსებული მონაცემების საფუძველზე ეს პროგნოზი, დიდი ალბათობით, გადაიხედება ზრდის მიმართულებით, ჩვენ მომდევნო განახლება მაკროეკონომიკური პარამეტრების გვექნება ზაფხულის ბოლოს.
ამ დროისთვის გადავხედავთ მთლიანი შიდა პროდუქტის ზრდას. აქ ერთი ფაქტორის გამოყოფა საკმაოდ რთულია, როცა ამ პარამეტრებს ვაკორექტირებთ, ბევრ სხვადასხვა მიმართულებას ვითვალისწინებთ, რაც შეიძლება გავლენას ახდენდეს მშპ-ზე,“-აღნიშნა პაპუნა ლეჟავამ.
ცნობისთვის, ეკონომიკური ზრდის პროგნოზი საერთაშორისო სავალუტო ფონდმაც დააკორექტირა. IMF-მა საქართველოს ეკონომიკური ზრდის პროგნოზი 5%-მდე გაზარდა.
