სავალუტო დაკრედიტება $ 8.2 მილიარდიან პიკზეა

დაკრედიტების ზრდაში სავალუტო სესხების წილი მზარდია. სებ-ის ოქტომბრის ანალიტიკური ცხრილების მიხედვით, სექტემბრის მდგომარეობით (01.09.2023) სავალუტოს წილი 7%-მდეა გაზრდილი. 2023 -ის სასტარტო 5%-იანი წვლილი ყოველთვიურად სტაბილურად იმატებს.

კოეფიციენტი 2021-ისას (7.2%) ჩამოუვარდება, თუმცა 2022 წლის ნიშნულზე (4.0%) მნიშვნელოვნად მეტია. 

ბაზარი იანვრიდან, სავალუტო დაკრედიტების ზღვრის 300 000-მდე ზრდის გათვალისწინებით გარკვეულ ცვლილებებს ელის.

01.09.2023-ის მდგომარეობით, ბანკების სავალუტო სესხების პორტფელი 8.2 მლრდ აშშ დოლარია. წლიური (Y.Y) ზრდა 14.8%-ია და ლარის დაკრედიტების კოეფიციენტს (+14.5%Y.Y) აღემატება.