საპენსიომ პორტფელის 4.2% გაადოლარა

საპენსიო სააგენტომ პოტფელის ნაწილის გადოლარება დაიწყო და 4.2% უკვე დაკონვერტირებულია.

სააგენტოს აქტივების წმინდა ღირებულებამ მარტის მდგომარეობით, 2.23 მლრდ ლარი შეადგინა, საიდანაც წმინდა ამონაგები 318 მლნ ლარი იყო (34.6% // ინფლაცია 30.49%).

ფონდში მონაწილეთა რაოდენობა 1.1 მლნ-ია.

პორტფელის განაწილების თვალსაზრისით, სააგენტოს მარტის მდგომარეობით სადეპოზიტო სერთიფიკატებში 60.3% აქვს დაბანდებული, 38.4% მიმდინარე ანგარიშებზეა განთავსებული, ხოლო 1.3% კი ვადიან დეპოზიტებზე.

საპენსიო სააგენტოს საინვესტიციო ბორდმა, პორტფელის დივერსიფიცირებაზე 14 მარტს მიიღო გადაწყვეტილება, ხოლო 30 მარტს უკვე სებ-ის პრეზიდენტმა კობა გვენეტაძემ განაცხადა, რომ საპენსიო სააგენტომ “ბი-მეჩ“ პლატფორმაზე აქტიურად დაიწყო ვაჭრობა. მარტის ბოლოს არსებული მდგომარეობით კი სააგენტოს აქტივების 4.2% აქვს გადოლარებული, ხოლო 95.8% კი კვლავ ლარში აქვს დენომინირებული.

ამავე პერიოდისთვის, ჯერ სააგენტოს დოლარში ინვესტიცია განხორციელებული არ აქვს, ის კვლავ ადგილობრივ აქტივებში ფიქსირდება.

შეგახსენებთ, სააგენტო საერთაშორისო ინდექსებში ინვესტირებას გეგმავს, დოლარში ინვესტირებაზე კი მას არსებული კანონმდებლობით, 20%-იანი შეზღუდვა აქვს.