სამომხმარებლო დაკრედიტება 24%-მდე ზრდას ინარჩუნებს

სამომხმარებლო სესხების წლიური (Y.Y) ზრდა  24%-საც ჩამოსცდა. სებ-ის ინტერაქტიული სტატისტიკით,  მიმდინარე წლის 1 მარტისთვის  23.4%-ია (01.03.2022 +39.4%Y.Y), რაც  გარკვეულწილად სებ-ის რეგულაციების შედეგია.

ცენტრალურ ბანკში აცხადებენ, რომ 3-წლამდე ვადაშეკვეცილი არაუზრუნველყოფილი სამომხმარებლო სესხების დაგრძელვადიანება  აგვისტომდე არ განიხილება. 

სამომხმარებლო სესხის ვადა 2022 წლის 15 აგვისტოს შემცირდა, პოტენციური მსესხებლის წინასწარ გაუფრთხილებლად. აღნიშნული ინსტრუმენტი მარეგულირებელმა მთლიანი დაკრედიტების 1%-ით შემცირებაზე გათვალა.  თუმცა, სხვა რეგულაციებთან კომბინაციაში დაკრედიტება დაგეგმილზე მეტადაც მოითოკა. ანუ წინსმწრები შედეგი მიიღო.  

მარტისთვის დაკრედიტების წლიური (Y.Y) ზრდის ტემპი,  18% -დან, 13%-მდეა შემცირებული, მდგრად დონესთან მიახლოებული. (მდგრადად მიიჩნევა ტემპი, რომელიც საშუალოვადიან პერიოდში 3%-იან ინფლაციას  უზრუნველყოფს).

სებ-ის ვიცე-პრეზიდენტის პაპუნა ლეჟავას თქმით, გამკაცრებული მონეტარული პოლიტიკის შერბილების სივრცე დიდია. დაკრედიტების ზრდის ტემპი მდგრად დონეს თუ ჩასცდა, სებ-ი განაკვეთის შემცირებით აწევს. 

 ბანკები მთლიანი  სასესხო პორტფელით (მლრდ ₾)

წყარო: კომერციული ბანკები