ფინანსები
14/07/2020
სახელმწიფო ობლიგაციებზე მოთხოვნა იზრდება
ივნისში უცხოელი ინვესტორები 578 მლნ ლარის ქართულ ფასიან ქაღალდებს ფლობდნენ.
„თიბისი კაპიტალის“ მონაცემებით, არარეზიდენტების საკუთრებაში არსებული ფასიანი ქაღალდების მოცულობა ნომინალურ გამოსახულებაში, მაისთან შედარებით 30 მილიონით არის გაზრდილი, თუმცა, წილობრივად თ/თ -0.8პპ-ით შემცირდა და 11.5% შეადგინა, რაც შიდა ვალის ზრდას ასახავს.
„გასული წლის ოქტომბერში დაფიქსირებული ზრდის შემდეგ, COVID-19-ის პანდემიის ფონზე განწყობები უარესდებოდა, თუმცა ბოლო პერიოდში საერთაშორისო დონეზე რისკიან აქტივებზე მოთხოვნა იზრდება, რაც ასევე აისახება ლარის სახელმწიფო ობლიგაციებზე“, - აცხადებენ „თიბისი კაპიტალის“ ექსპერტები.
