საქართველოს წმინდა საერთაშორისო საინვესტიციო პოზიცია $319.8 მლნ-ით გაუარესდა

საქართველოს წმინდა საერთაშორისო საინვესტიციო პოზიციამ, 2021 წლის 30 სექტემბრის მდგომარეობით -25.6 მლრდ დოლარი (-79.9 მლრდ ლარი) შეადგინა, რაც ბოლო ოთხი კვარტლის მშპ-ს -145.9%-ია.

მაჩვენებელი წინა კვარტალთან შედარებით $319.8 მლნ-ით გაუარესდა.

2021 წლის 30 სექტემბრის მდგომარეობით, მთლიანი საერთაშორისო აქტივები $11.1 მლრდ დოლარია (34.8 მლრდ ლარი), რაც წინა კვარტალის მაჩვენებელს $150.3 მლნ-ით აღემატება.

მთლიანმა საერთაშორისო ვალდებულებებმა $36.7 მლრდ (114.6 მლრდ ლარი) შეადგინა, რაც წინა კვარტალის მაჩვენებელს $470.1 მლნ-ით აღემატება.