ფინანსები
10/11/2021
საჯარო სექტორში ხელფასების ზრდა ბიუჯეტს ₾194 მლნ-მდე დაუჯდება
2022 წელს საჯარო სექტორში მომუშავეთა რიცხოვნობა წინა წელთან შედარებით 147-ით იზრდება. იზრდება ხელფასებისთვის გამოყოფილი თანხაც, დაახლოებით 194 მლნ ლარით.
ზრდის კომპონენტი უკვე გათვალისწინებულია 2022 წლის სახელმწიფო ბიუჯეტის პროექტის გადამუშავებული ვერსიაში, რომელიც ფინანსთა სამინისტრომ საკანონმდებლო ორგანოში წარადგინა.
ფინანსთა მინისტრმა ლაშა ხუციშვილმა დაანონსა, რომ 2022 წელს საჯარო სექტორში ხელფასები 10%-ით გაიზრდება. ბიუჯეტის პროექტით შრომის ანაზღაურებისთვის გამოყოფილი დამატებითი თანხა სწორედ ამ ზრდისთვის არის გათვალისწინებული.
2022 წელს, ბიუჯეტის პროექტის თანახმად, საჯარო სექტორში 112 752 ადამიანი იქნება დასაქმებული. შრომის ანაზღაურებისთვის კი, სულ 1.8 მლრდ ლარია გათვალისწინებული.
