ფინანსები
27/02/2023
საბანკო სექტორში განთავსებული არასაბანკო დეპოზიტების მოცულობამ ₾43.64 მლრდ შეადგინა - სებ
საბანკო სექტორში განთავსებული არასაბანკო დეპოზიტების მოცულობამ 2023 წლის იანვრის ბოლოსათვის 43.64 მლრდ ლარი შეადგინა, რაც 648.73 მლნ ლარით, ანუ 1.46%-ით ნაკლებია წინა თვის ბოლოს არსებულ მაჩვენებელზე (გაცვლითი კურსის ეფექტის გარეშე 0.44%-ით ნაკლები). ამის შესახებ ეროვნული ბანკის მიერ გავრცელებული მონაცემებიდან ირკვევა.
სებ-ის ინფორმაციით, იანვარში, წინა თვესთან შედარებით, ადგილი ჰქონდა ვადიანი დეპოზიტების ზრდას 462.59 მლნ ლარით, ანუ 2.84%-ით (გაცვლითი კურსის ეფექტის გარეშე 3.83%-ით გაიზარდა), ხოლო მოთხოვნამდე დეპოზიტები 1.11 მლრდ ლარით, ანუ 3.97%-ით შემცირდა (გაცვლითი კურსის ეფექტის გარეშე შემცირდა 2.93%-ით).