საბანკო ასოციაცია საპროცენტო განაკვეთების შემცირებას ელის
საბანკო ასოციაცია წლის ბოლომდე საპროცენტო განაკვეთების შემცირებას ელის.
ალექსანდრე ძნელაძის განმარტებით, კლების ტენდენცია უკვე შეინიშნება.
„ვფიქრობთ, მაჩვენებლები დაუბრუნდა და რიგ შემთხვევაში კიდევ უფრო ნაკლებია გასული წლის დასაწყისში არსებულ ნიშნულზე.
გარკვეული პერიოდის განმავლობაში არ გადიოდა ახალი სესხები. აქტივობა ლარში სესხების გაცემის მეტ-ნაკლებად შენელებული იყო - რეფინანსირების განაკვეთის ზრდის და ასევე პანდემიის გამო.
დღეის მდგომარეობით შეგვიძლია ვთქვათ, მთავრობის მხრიდან განთავსებული თანხების მოცულობა ლიკვიდურობაში გვეხმარება რომ პრობლემა არ შეიქმნას. ასევე რეფინანსირების განაკვეთიც ეტაპობრივად მცირდება. ამ ყველაფრის ფონზე, წლის ბოლომდე ველით, რომ საპროცენტო განაკვეთები მინიმუმ შენარჩუნდება იმ ზღვარზე რაც იყო, ან შემცირდება,“ - აცხადებს საბანკო ასოციაციის პრეზიდენტი.
