რუსეთის მოქალაქეების დანაზოგებმა ქართულ ბანკებში 2 მლრდ-ს მიაღწია

უკრაინაში რუსეთის შეჭრიდან (24 თებერვალი) ქართულ ბანკებში ახალი ანგარიშები რუსეთის 45,350 მოქალაქემ გახსნა.

IDFI-ს ინფორმაციით, AML ანგარიშგებით 01.01.2022 -ის მდგომარეობით, რუსეთის 28,221 მოქალაქე იყო ადგილობრიბი ბანკების დეპოზიტარი. 01.07.2022-ისთვის 58,160-მდე. 01.09.2022-ის მდგომარპებით კი 60 000-ს გადააჭარბა. მოცულობა კი 2 მლრდ ლარს აღწევს. 2022 წლის დასაწისში კი  700 მლნ-ს არ აღემატებოდა.

24/02-01/09 პერიოდში ქართულმა კომერციულმა ბანკებმა ანგარიშები 19 რუსულ კომპანიას გაუხსნეს (რეგისტრირებულია რუსეთში).

რუსი დეპოზიტარების ანაბრების 53% მოთხოვნამდე დეპოზიტებია, 21% მიმდინარე ანგარიში და მხოლოდ 26%--ია ვადიანი ანაბარი. ამასთან ომამდე ვადიანი დეპოზიტების წილი 60%-ს აღწევდა.

ვადიან დეპოზიტებს. აღსანიშნავია ის ფაქტი, რომ ომამდე პერიოდში ვადიანი დეპოზიტების წილი 60%-ს აღწევდა.

რუსეთის მოქალაქეების დეპოზიტების 1.9 მლრდ-იან პორტფელში 72% (1,36 მილიარდი) აშშ დოლარშია, რუსულ რუბლში კი 0,06% (1,2 მლნ).

ომმა მნიშვნელოვნად შეუწყო ხელი საქართველოს კომერციულ ბანკებში რუსეთის მოქალაქეების განკარგვაში არსებული ფინანსების ზრდას.  170%-ით გაიზარდა დეპოზიტების ნაშთი, სამჯერ გაიზარდა რუსული რუბლის ბრუნვის მაჩვენებლები. გაიზარდა ფულადი გზავნილები.

IDFI-ს  შეფასებით,  რუსეთის უკრაინაში შეჭრის შედეგად შექმნილმა გარემოებებმა ხელი შეუწყო რუსეთიდან  საქართველოში მნიშვნელოვანი ფინანსური რესურსის შემოდინებას, რამაც თავის მხრივ  მოკლევადიან პერიოდშივე  გავლენა იქონია ქვეყნის სხვადასხვა ეკონომიკურ მაჩვენებელზე. მათ შორის, ეკონომიკურ  ზრდაზე, სავალუტო კურსის გამყარებაზე.