რეგიონების დაკრედიტება ბანკების პორტფელის მესამედიც არ არის

რეგიონების დაკრედიტების წილი საბანკო სექტორის მთლიან პორტფელის (43 მლრდ) 30%-საც ვერ აღწევს.

სებ-ის სტატისტიკით, რეგიონებში 12 მლრდ ლარამდე სესხებია გაცემული და ყველაზე მეტი 4 მლრდ-მდე აჭარის რეგიონის დაკრედიტებაზე მოდის.

რეგიონების პორტფელში უმეტესობა (70%-მდე) ლარის სესხებია. არსებული დოლარიზაციაც ძირითადად აჭარის პორტფელის ხარჯზეა. ავტონომიური რესპუბლიკის დაკრედიტების წილი რეგიონების დაკრედიტებაში 31%-ია (01.01.2021 -  33%)

რეგიონებისგან განსხვავებით, თბილისში გაცემული სესხების პორტფელი დოლარიზებულია (დილარიზაციის კოეფიციენტი 58%). 18 მლრდ ლარის  სავალუტო სესხებია და 13 მლრდ-ის ფარგლებშია ლარის პორტფელი. თბილისის პორტფელის დოლარიზაცია წლიურად 7%-ზე მეტით არის შემცირებული (4.5%პ-ით Y.Y).

01.01.2022

წყარო: სებ-ი