რეფინანსირების სესხებზე მოთხოვნა შემცირდა

რეფინანსირების სესხები შემცირდა. ნაშთი 503 მლნ ლარს შეადგენს. ივლისში 400 მლნ ლარამდე კლება აღინიშნა. 

შესაბამისად, აღნიშნული მოცულობით შეუმცირდა სისტემას ლარის ლიკვიდობა. რეფინანსირების სესხების მორიგი აუქციონი ხუთშაბათს (20/07) გაიმართება. გაცემებმა მნიშვნელოვნად დაიკლო. გასული წლის ანალოგიური პერიოდისთვის რეფინანსირების სესხების ნაშთი ₾3 მლრდ -ს უახლოვდებოდა.

TBC კაპიტალის  მთავარი ეკონომისტის ოთარ ნადარაიას განმარტებით, კლება ბანკების მხრიდან მოთხოვნის შემცირებით აიხსნება. სექტორს ლარის საკმარისი ლიკვიდობა აქვს და შესაბამისად არ სჭირდება.

სებ-ის ინტერქტიული სტატისტიკით, ეროვნული ბანკი ივლისში Bmatch -ზე ვაჭრობას აქტიურად განაგრძობს. ბოლო კვირის განმავლობაში დღეში საშუალოდ $20-$30 მლნ-ს ყიდულობს და სანაცვლოდ მიმოქცევაში უშვებს ლარს.

საანგარიშო თვეში სავალუტო ინტერვენციებით ოპერაციები არ აღინიშნება. ივნისში კი სებ-მა $20 მლნ-მდე გაყიდა.