პრობლემური სესხები შემცირდა
სამომხმარებლო სესხებში პრობლემური კრედიტების წილი 3.4%-მდეა შემცირებული, მ.შ. ბანკებში ყველაზე დაბალი კოეფიციენტით -1.9% წარმოდგენილია აშშ დოლარის პორტფელი, სადაც მხოლოდ 14,6 მლნ ლარის სესხია გაფუჭებული.
მთლიანად სამომხმარებლო სესხებში კი პრობლემური კრედიტები 300 მლნ ლარამდეა. სექტემბრის მდგომარეობით (01.09.2023) დაკრედიტება 8.8 მლრდ ლარს აღემატება. ძირითადად (>88%) ადგილობრივ ვალუტაშია.
პრობლემური სესხების კლება გარკვეულწილად განაპირობა ანგარიშგების საერთაშორისო სისტემაზე (IFRS) გადასვლამ, რამაც შემოიტანა დარეზერვების 3–დონიანი სქემა, მოსალოდნელი ზარალების დასაბალანსებლად (ნაცვლად ხუთიანისა: საიმედო, საყურადღებო, არასტანდარტული, საეჭვო, უიმედო). ლიბერალურმა მიდგომამ შეცვალა კიდევ რამდენიმე მახასიათებლის დათვლის მეთოდოლოგია, მათ შორის დასაკუთრებული ქონების, 3–წლიან ვადაში 30-50-100%-ით ხარჯში ჩამოწერას აღარ ექვემდებარება
მთლიანი დაკრედიტების წლიურ 14.6%-იან ზრდაში სამომხმარებლო სესხების წვლილი კვლავ მაღალია, სექტემბრის მდგომარეობით, სებ-ის ინტეარქტიული სტატისტიკით , 3.7%-მდეა, წლის დასაწყისიდან ზრდაა, 0.2%პ-ით, თუმცა კლებაა 09/2022-თან შედარებით (L/Y - 4.8%).
იმ პერიოდთან შედარებით, როცა რეგულატორმა ინფლაციაზე წნეხის გასანეიტრალებლად, ვადის 3 წლამდე დამოკლებით, დაკრედიტების ტემპის შენელება გადაწყვიტა. 5.04%-იანი პიკი იყო ივნისის ბოლოს, როცა დაკრედიტების წლიურმა ზრდამ 18.7% შეადგინა.
სებ-ი სამომხმარებლო სესხის ვადის 4 წელზე დაბრუნებას, მომავალი კვირის ოთხშაბათს განიხილავს, ფინანსური სტაბილურობის კომიტეტზე. ასევე სხვა შესაძლო სტიმულებს დეველოპერული და ბაზრის სხვა სეგმენტებისთვის.
3 წლამდე ვადადამოკლებად სესხის კატეგორიაში მხოლოდ 1 გამონაკლისია დაშვებული. 4 წლიანი ვადა შეუნარჩუნდა საკრედიტო ბარათს. რეგულაცია ოევრდრაფტსაც კი შეეხო, ყველაზე გრძელვადიან სასესხო პროდუქტს, რომლის ვადა ზოგიერთი ბენეფიციარისთვის სიცოცხლის ბოლომდეა, ზოგისთვის საპენსიო ასაკამდე.
