პრობლემური სესხები ლარში გაიზარდა, დოლარში შემცირდა
სამომხმარებლო სესხებში გაპრობლემების კოეფიციენტი იზრდება. ლარის პორტფელში პრობლემური სესხების ზრდა აპრილიდან შეინიშნება და სექტემბრისთვის 6%-ს აღწევს (340 მლნ ლარს შეადგენს). აშშ დოლარის სესხებში უმოქმედო კრედიტების წილი 5.5%-ია, ევროში კი 3.8%.
სხვა საკრედიტო პროდუქტებთან შედარებით, სამომხმარებლო დაკრედიტება გაფუჭების მაღალი კოეფიციენტით ხასიათდება, პანდემიის, ომის კრიზისის და სხვა გლობალური შოკების გავლენის გარეშეც.
ბაზარი ბოლო რეგულაციის ეფექტსაც ელის, იანვრისთვის. როგორც ამ ზაფხულს (3 აგვისტო) პოტენციურმა მსესხებელმა შეიტყო, 16 აგვისტოდან სასესხო ვადა 4-დან 3 წლამდე დამოკლდა (საკრედიტო ბარათის გარდა ყველა პროდუქტს შეეხო). მიზანი მოთხოვნის შემცირება იყო, ინფლაციის წნეხისგან გათავისუფლების მიზნით და ამოცანა, დაკრედიტების ზრდის 1%-ით შენელება.
უმოქმედო სესხები ვალუტის მიხედვით (სავალუტოს ექვივალენტი ლარში)
|
|
₾არი |
აშშ დოლარი |
ევრო |
|
09.2022 |
378 287 522 |
29 883 849 |
7 852 114 |
|
09.2021 |
285 581 708 |
53 210 024 |
11 777 444 |
წყარო: სებ-ი
როგორც იცით, უმოქმედო სესხები (არასტანდარტული, საეჭვო, უიმედო) 100%-მდე სარეზერვო მოთხოვნით რეგულირდება.
სებ-ის ინტერაქტიული სტატისტიკით, 01.09.2022-ის მდგომარეობით, 7.3 მლრდ ლარის სამომხმარებლო სესხებია, მ.შ. უცხოურ ვალუტაში მხოლოდ 800 მლნ ლარის არის გაცემული და აქედან 75% არარეზიდენრების კრედიტებზე მოდის.
