ფინანსები
15/09/2023
პრეზიდენტმა სებ-ის საბჭოს წევრობის კანდიდატებად ნანა ყეინიშვილი და თეიმურაზ ხომერიკი წარადგინა
საქართველოს პრეზიდენტმა სალომე ზურაბიშვილმა პარლამენტს ეროვნული ბანკის საბჭოს წევრის 2 ვაკანტურ თანამდებობაზე ასარჩევად ნანა ყეინიშვილისა და თეიმურაზ ხომერიკის კანდიდატურები წარუდგინა.
ცნობისთვის, ეროვნული ბანკის საბჭო 9 წევრისგან შედგება. ამ დროისთვის მასში შვიდი წევრია, აქედან 2 წევრს - არჩილ მესტვირიშვილს და რობერტ სინგლეტერს უფლებამოსილების ვადა 2023 წლის დეკემბერში ეწურება.
