პრემიერი: საჯარო სექტორში 2026 წლამდე ხელფასი ჯამში 50%-ით გაიზრდება
საჯარო სექტორში დასაქმებულებისათვის მიმდინარე წლის იანვრიდან შრომის ანაზღაურება 10%-ით გაიზარდა.
პრემიერ-მინისტრის ირაკლი ღარიბაშვილის განცხადებით, ზრდის ტენდენცია 2026 წლამდე გაგრძელდება. ჯამში, 3-4 წელიწადში საჯარო სექტორში შრომის ანაზღაურება 50%-ით გაიზრდება.
"დაახლოებით 2017 წლიდან 2020 წლამდე საჯარო სექტორში არცერთ წელს არ გაზრდილა ხელფასი, რაც დიდი შეცდომა იყო. კერძო და საჯარო სექტორში არსებულ ანაზღაურებას თუ შევადარებთ, საჯარო სექტორის შემთხვევაში ჩამორჩენა ძალიან დიდია. ამას სჭირდება მოწესრიგება. იანვარში ყველა საჯარო მოხელისათვის 10%-ით გაიზარდა ხელფასი. ყოველ წელს, 2026 წლამდე, მინიმუმ 10%-ით გაიზრდება საჯარო მოხელეების ხელფასები. ჯამში გამოვა დაახლოებით 50%-იანი მატება უახლოესი 3-4 წლის განმავლობაში", - აღნიშნა ირაკლი ღარიბაშვილმა.
