"პეისერა ბანკი საქართველო" სრულ შესაბამისობაში ოპერირებს აშშ-ის, ევროკავშირისა და ბრიტანეთის სანქციებთან - განცხადება
"პეისერა ბანკი საქართველო“ განცხადებას ავრცელებს.
"პეისერა ბანკი საქართველო როგორც ევროპული ბანკი, სრულ შესაბამისობაში ოპერირებს საერთაშორისო პარტნიორების, აშშ-ის, ევროკავშირისა და გაერთიანებული სამეფოს მიერ დაწესებული სანქციების მოთხოვნებთან.
„პეისერა ბანკის“ მიერ საქართველოში გახსნილი ანგარიშები ინტეგრირებულია ერთიანი ევრო გადახდის სისტემასთან (SEPA), რაც სხვა მოთხოვნებთან ერთად, ყველა ზემოთ ჩამოთვლილი სანქციების გათვალისწინებას გულისხმობს,"-ნათქვამია "პეისერა ბანკი საქართველოს“ მიერ გავრცელებულ განცხადებაში.
შეგახსენებთ,19 სექტემბერს კი სებ-მა გამონაკლისი ბრძანება გამოსცა, რის მიხედვითაც სანქცირებულ ოთარ ფარცხალაძეს საბანკო ანგარიშებზე წვდომა აღუდგება.
ახალი ბრძანების თანახმად, სანქცირებულ საქართველოს მოქალაქეებთან დაკავშირებით სანქციები შედის ძალაში, თუკი მათ წინააღმდეგ გადაწყვეტილებას სასამართლო მიიღებს. შესაბამისად, სანქცირებული ყოფილი მთავარი პროკურორის, ოთარ ფარცხალაძის მიმართ ტრანზაქციების შეზღუდვა ამოქმედდება მაშინ თუკი ქართული სასამართლო მის წინააღმდეგ გამამტყუნებელ გადაწყვეტილებას მიიღებს.
