ფინანსები
17/10/2023
ნათია თურნავა: მქონდა პატივი, კრისტინ ლაგარდი საქართველოში, ECB-ის პრეზიდენტის სტატუსით, კიდევ ერთხელ მომეწვია
ეროვნული ბანკის პრეზიდენტის მოვალეობის შემსრულებელი, ნათია თურნავა ევროპის ცენტრალური ბანკის პრეზიდენტს შეხვდა.
"ყოველწლიური შეხვედრების ფარგლებში, კიდევ ერთხელ მომეცა კრისტინ ლაგარდთან შეხვედრის შესაძლებლობა. მას პირველად 2019 წელს შევხვდი, როცა ჩვენს ქვეყანაში, საერთაშორისო სავალუტო ფონდის მმართველი დირექტორის რანგში, ვიზიტით იმყოფებოდა. მქონდა პატივი, ქალბატონი ლაგარდი კიდევ ერთხელ მომეწვია საქართველოში, ამჯერად ECB-ის პრეზიდენტის სტატუსით.
ვფიქრობ, ჩვენ საერთო მიზნები და ღირებულებები გვამოძრავებს. როგორც ერთიან ევრო გადახდების სივრცეში (SEPA) საქართველოს გაწევრიანების სურვილი, ისე ქალთა გაძლიერებისკენ მიმართული საკითხები და სხვა აქტუალური თემები. მომავალი შეხვედრის იმედი მაქვს", - აღნიშნა ნათია თურნავამ.
