მთავრობის ფასიანი ქაღალდების 12.7%-ს უცხოელი ინვესტორები ფლობენ

უცხოელი ინვესტორების მფლობელობაში არსებული საქართვლოს ფასიანი ქაღალდების რაოდენობა გაიზარდა.

მარტში არარეზიდენტი პირები 703.4 მლნ ლარის მთავრობის ფასიან ქაღალდებს ფლობდნენ, რაც წინა თვის მაჩვენებელს დაახლოებით 4.2 მლნ ლარით აღემატება.

„თიბისი კაპიტალის“ მონაცემებით, ამავე პერიოდში, მთავრობის ფასიან ქაღალდებში არარეზიდენტების წილი არ შეცვლილა და 12.7%-ზე შენარჩუნდა.

ეროვნული ბანკის ხელთ არსებულმა სახაზინო ფასიანი ქაღალდების წილმა, თებერვალში 18.0%-ის შემდეგ, 2021 წლის მარტში 19.8% შეადგინა. სახაზინო ფასიანი ქაღალდების ფლობაში უდიდესი წილი, 66.3%-ით, კვლავ ბანკებზე მოდიოდა.