მთავრობა წელს ბანკებისგან ₾2 მლრდ-ზე მეტს ისესხებს

ფინანსთა სამინისტრომ წელს დაგეგმილი 2.3 მლრდ ლარიდან 70 მლნ-ის შიდა ვალი აიღო ბანკებისგან.

სებ-ში 4 იანვარს გამართულ აუქციონზე 70 მლნ ლარის 2-წლიანი ვადიანობის ფასიანი ქაღალდები გაიყიდა.

აუქციონში 3 კომერციული ბანკი მონაწილეობდა. 112 მლნ ლარზე იყო მოთხოვნა და საშუალო შეწონილი განაკვეთი 9.9%-ით განისაზღვრა (კუპონური 9.8%).

მთავრობის სხვადასხვა ვადიანობის ქაღალდები სებ-ს, რეზიდენტ და არარეზიდენტ ბანკებს უჭირავს. სებ-ი მეორად ბაზარზე ყოდულობა და ამ დროისთვის 1 მლრდ-ზე მეტი აქვს. სულ დეკემბერში ბრუნვამ 15 მლნ ლარის შეადგინა. ამ დროისთვის ნაშთი 5, 335 მლრდ ლარია.

როგორც იცით, 2022 წლის ბიუჯეტით სახელმწიფო ფასიანი ქაღალდების დაფინანსება 1.3 მლრდ ლარით იზრდება და 2022 წლის ბოლოს ნაშთი 7 მლრდ ლარს მიაღწევს. ამ დროისთვის სებ-ს 1.4 მლრდ ლარის ფასიანი ქაღალდები უჭირავს, ბანკებს 3.4 მლრდ, მათ შორის არარეზიდენტ ბანკებსაც.

შიდა ვალის 1.3 მლრდ-ით გაზრდა ნიშნავს ფინანსთა სამინისტროს მიერ კომერციული ბანკებისგან უფრო მეტი ვალის აღებას, 1-დან 10 წლამდე ვადით.  გაზრდილი მიწოდება გაუძვირებს თუ არა მთავრობას საბიუჯეტო სახსრებით ნასესხებ სესხებს, ბაზარი ჯერ არაფერს ამბობს. სებ-ის 2 თებერვლის მპკ-მდე უცნობია, მონეტარული პოლიტიკის განაკვეთი გაიზრდება თუ 10.5%-მდე გამკაცრებული დარჩება.