მთავრობა მომავალ წელს ახალი ევრობონდების გამოშვებას გეგმავს

მომავალ წელს მთავრობა 500 მილიონი დოლარის ევრობონდების რეფინანსირებას გეგმავს.

ბიუჯეტის 2021 წლის პროექტით,  ვალდებულებების ზრდაში ევრობონდების რეფინანსირებაც, კერძოდ, 1.657 მლრდ ლარის ფარგლებში ახალი ევრობონდების გამოშვება. 

2021 წელს საქართველოს საგარეო სახელმწიფო ვალდებულებების მომსახურება  3.148 მილიარდი დაუჯდება.  ძირითადი თანხის დაფარვისათვის – 2.760 მლრდ ლარი, პროცენტისთვის კი, 388 მლნ ლარია გათვალისწინებული.

საქართველოს სახელმწიფო ვალის საპროგნოზო ზღვრული მოცულობა 2021 წლის ბოლოსთვის არაუმეტეს 33,680 მლრდ ლარი იქნება, მათ  შორის, სახელმწიფო საგარეო ვალის ზედა ჭერი  – 27.734  მლრდ ლარია, საშინაო ვალის − 5,946 მლრდ ლარი.

2021 წლის ბოლოსთვის საქართველოს მთავრობის ვალის ზღვრული მოცულობა - მთლიანი შიდა პროდუქტის (მშპ-ის) 60.1%-ით, ხოლო საჯარო და კერძო თანამშრომლობის პროექტების ფარგლებში აღებული ვალდებულებების მიმდინარე ღირებულება (2020 წლის 1 იანვრის მდგომარეობით) − მთლიანი შიდა პროდუქტის (მშპ-ის) 0.7%-ით  განისაზღვრა. ჯამი: მშპ-ის 60.8% (დადგენილი ზღვარი – მშპ-ის 60%).