მპკ-ზე ლარში სარეზერვო მოთხოვნის გამკაცრებასაც განიხილავენ
საბანკო სექტორს დაკრედიტებიდან საპროცენტო შემოსავალზე მეტად არასაპროცენტო შემოსავალი ეზრდება. 2022 წლის 6 თვის შემოსავალი 700 მლნ ლარია. წლიური ზრდა 17%-მდეა და თუ ვითიბის გარეშე დავითვლით, ზრდა 30%-ს აღემატება. სანქცირებული რუსული ბანკის შვილობილს 90 მლნ-მდე არასაპროცენტო ხარჯი აქვს.
ბანკები არასაპროცენტო შემოსავლებით
|
01.01.2022 (000 ₾) |
კომერციული ბანკი |
H1/2022 (000 ₾) |
|
583,220 |
თიბისი ბანკი |
308,245 |
|
430,370 |
საქართველოს ბანკი |
315,993 |
|
26,741 |
ლიბერთი |
17,577 |
|
34,890 |
ვითიბი ბანკი |
-89,842 |
|
16,858 |
პროკრედიტ ბანკი |
6,695 |
|
6,069 |
ბაზისბანკი |
66,678 |
|
67,873 |
კრედო |
36,557 |
წყარო: სებ-ი და ბანკები (000 ₾)
გამკაცრებული მონეტარული პოლიტიკის და სასესხო რეგულაციების ეფექტზე სებ-ის საბჭოს წევრმა ეკატერინე გალდავამ სებ-ის წლიური ანგარიშის საკომიტეტო განხილვაზე ისაუბრა, რომლის შემუშავებაშიც მონაწილეობა არ მიუღია, რადგან ის, ეკატერინე მიქაბაძე, რობერტ ჰენდრი სინგლეტერი და ნათია თურნავა არაღმასრულებელი წევრები არიან (აღმასრულებელი წევრები: კობა გვენეტძე, არჩილ მესტვირიშვილი, პაპუნა ლეჟავა, ნიკოლოზ გაგუა).
ეკატერინე გალდავამ აღნიშნა, რომ 3 აგვისტოს მპკ-ს დაესწრება. მპკ-ზე კომიტეტის არაწევრის (მპკ-ში 14 წევრია, საბჭოდან მხოლოდ 4, სებ-ის პრეზიდენტი და ვიცე-პრეზოდენტები) მიწვევის დისკრეცია აქვს სებ-ის პრეზიდენტს, რომელმაც 3/08-ს ყველა არაღმასრულებელი დაპატიჟა ( წინა მპკ-ზე ეკატერინე მიქაბაძე იყო).
ფულად-საკრედიტო პოლიტიკა, რა ვადით შენარჩუნდება გამკაცრებული მონეტარული პოლიტიკა, გაიზრდება თუ არა სარეზერვო ნორმა, ცვლადგანაკვეთიანი სესხები რეფინანსირებას ჩაეხსნება და TIBR1M -ს მიებმება თუ სხვა ინდექსს - ამ და სხვა საკითხებს გალდავა კოლეგებთან ერთად 3 აგვისტოს განიხილავს.
მედიასთან კი აცხადებს, რომ ის სხვა მონეტარულ ინსტრუმენტებს გამოიყენებდა, მათ შორის რეპო ოპერაციებს, ასევე ლარში სარეზერვო მოთხოვნას გაზრდიდა.
მოხარული იქნებოდა, საბანკო სექტორს დაკრედიტებიდან ჰქონოდა უფრო მეტი შემოსავალი და 6 თვის სტატისტიკა ყოფილიყო განსხვავებული. არასაპროცენტო შემოსავალი, რომელიც აერთიანებს საკომისიოებიდან, ვალუტის ყიდვა-გაყიდვის ოპერაციებიდან (საკონვერსიო) ამონაგებს, ბანკების უფრო ნაკლები მოცულობით მიეღო და არა ₾700 მლნ.
გალდავამ სებ-ის საბჭოს უფრო მეტად კოლეგიურ ორგანოდ გარდაქმნის საჭიროებაზეც აღნიშნა, რომ პროცესში აღმასრულებლებთან ერთად და არააღმასრულებელი წევრებიც ჩაერთონ რათა სებ-ის ძირთადი დოკუმენტის („ძირითადი მიმართულებები“) შემუშავებაში ყველა მონაწილეობდეს.
რასაც მოაწესრიგებს კანონში ცვლილებები, რაზეც, მისი თქმით, სსფ-ის ტექნიკური მისია როდესღაც დაიწყებს მუშაობას. კანონის ჩასწორების შემდეგ კი კონფიდენციალობაზე კითხვები მოიხსნება, ბაზარი უფრო მეტი სუბიექტისთვის გაიხსნება, მათ შორის ფინტეკებისთის, რაც საბოლოოდ დაწევს სასესხოგანაკვეთებს.
