მისოები სებ-ისგან რეფინანსირების სესხზე წვდომას ითხოვენ

გვინდა უფრო კეთილები ვიყოთ ვიდრე ვართ, - მ/ო MBC-ის გენერალური დირექტორი გია პეტრიაშვილი აცხადებს, რომ მიკროსაფინანსო სექტორს ბანკზე  დაბალი სასესხო  განაკვეთის შეთავაზების დიდი სურვილი აქვს, მაგრამ  რესურსის სიძვირის გამო შეუძლებელია.

იმის მიუხედავად, რომ მისო მინიმალურ, კომერციულ ბანკზე 7-8 პპ-ით დაბალი მარჟით მუშაობს, მსესხებლისთვის არსებულ მინიმალურ ზღვარზე დაბალი განაკვეთის შეთავაზება ვერ ხერხდება.

„ერთი მხრივ ბანკი გვაწდის ლარის რესურსს და მეორე მხრივ მიკროდაკრედიტების სეგმენტზე პირდაპირ კონკურენციას გვიწევს“, - გია პეტრიაშვილს ბანკთან, მისოს თანაბარი კონკურენციისთვის გამოსავალად სებ-ის შესაბამისი გადაწყვეტილება ესახება.

თუ მიკრო ბანკად გარდაქმნის შემდეგ, MBC-ის  გაუმარტივდება ლარის რესურსზე წვდომა - რეფინანსირების სესხების მიღება ბანკის შუამავლობის გარეშე შეეძლება, რესურსი გაუიაფდება და შესაბამისად მსესხებელსაც - სესხი.

პეტრიაშვილის თქმით, სწორედ ეს არის მიკრობანკად გარდაქმნის მთავარი ხიბლი.

რა პირობების დაკმაყოფილება მოუწევს და რა ბენეფიტებს მიიღებს მისო,  ბანკად გარდაქმნის შემდეგ - კანონპროექტის საბოლოო ვერსიას სებ-ი ამ კვირაში გამოაქვეყნებს.

მისოსექტორი იმედოვნებს, რომ სებ-ი  რეფინანსირების დაკრედიტების პირობებს გადახედავს და იპოთეკურთან ერთად, გირაოში ბიზნესპორტფელსაც შეიყვანს. იმის  გათვალისწიმნებით, რომ  მიკრობანკისთვის მარეგულირებლის მთავარი მოთხოვნა პორტფელის 70%--მდე ბიზნესსესხებით დაკომპლექტებაა. შესაბამისად, მიკრობანკი პორტფელის დაგირავებით, სებ-ისგან  რეფინანსირების სესხს, ბანკის შუამავლობის გარეშე აიღებს.

პეტრიაშვილი ასევე იმედოვნებს, რომ გაფართოვდება ბიზნესსესხის  დეფინიცია. მიკრობანკად  გარდაქმნის მსურველ მისოს პორტფელში საწყის ეტაპზე ნახევარი (50%) მაინც  მოდიოდეს ბიზნესსესხებზე. 

მიზნობრიობასთან ერთად გათვალისწინებული იქნება დაფინანსების წყაროც (საცალოს მსესხებელს გადახდის წყარო ჰქონდეს შუნამეურნეობიდან ან სხვა საქმიანობიდან მიღებული შემოსავლის სახით).

ორივე კომპონენტის  დაშვებით, ამ დროისთვის MBC-ი, კრიტერიუმებს  გადაჭარბებით ასრულებს. ბიზნესსესხებზე პორტფელის 70%-ზე მეტი უკვე მოდის, რისთვისაც 50%-დან, 70%-მდე შევსებისთვის მარეგულირებელი სექტორს 2-3 წლიან პერიოდს მისცემს.

დანარჩენი მოთხოვნები - 50 000 ლარიანი სალიცენზიო მოსაკრებელი; 10  მლნ-იანი  კაპიტალის მოთხოვნა; 15 000 ლარამდე  შემოსაზღვრული გადარიცხვა  სექტორს არ  ადარდებს. რადგან მეტ მოცულბაზე გასვლასაც შეძლებს, რის სანაცვლოდაც მარეგულირებელი  დამატებით ლიკვიდურ სახსრებს მოთხოვს, რის შესრულებაც არ გაუჭირდება.

მთავარია, რომ მიკრობანკად ფორმირების შემდეგ, MBC-ი კლიენტებს ანგარიშსწორების ანგარიშს გაუხსნის (რაც მისოს არ შეუძლია და კლიენტის ბანკის ანგარიშს იყენებს, რაც მსესხებელს სერვისს უძვირებს), შედეგად  ანგარიშებზე ფულადი რესურსი გაჩნდება და  ნაშთების მართვის შესაძლებლობა.