მიკრობანკები სებ-ის რეფინანსირების ინსტრუქციის მოლოდინში
სებ-მა მიკრობანკების სახელმძღვანელო კიდევ ერთი დოკუმენტი გამოქვეყნა, - კიბერუსაფრთხოების მართვის ჩარჩო.
ჩარჩო უნდა იყოს მიკრობანკის ზომის შესაფერი და საქმიანობიასთან შესაბამისობაში. ამასთან სრულიად ინტეგრირებული მთლიანი რისკების მართვის პროცესში.
კიბერუსაფრთხოების მართვა უნდა მოიცავდეს რამდენიმე მიმართულებას:
ა) რისკის იდენტიფიცირება
ბ) დაცვა
გ) აღმოჩენა
დ) რეაგირება
ე) აღდგენა
თუმცა კიბერუსაფრთხოების ჩარჩომდე, ბევრი ეტაპია გასავლელი, რადგან სებ-ში ჯერ მიკრობანკად ტრანსფორმირების მსურველ მისოების (მ/ო კრისტალი, მ/ო MBC, მ/ო ლაზიკა კაპიტალი) განაცხადებებიც არ შესულა.
მ/ბანკის ოპერირების ახლად გამოქვეყენებული წესების მიმართ ბაზარს შენიშვნები და კითხვები აქვს.
სუბიექტები, რომელთა მოლოდინით, ახალი შესაძლებლობებისთვის მხოლოდ ერთი, პროცედურული ეტაპი - წესების გამოქვეყნება რჩებოდა, წესებმა ახალი გამოწვევების წინაშე დააყენა.
მათ შორის რესურსის მოზიდვის ნაწილში. სებ-ის ინფორმაციით, მ/ბანკი რეფინანსირების სესხს კომერციული ბანკებისთვის მოქმედი წესით აიღებს. მ/ო ბაზარი თვლის, რომ ერთული გამონაკლისების გარდა, საბანკო სექტორისთვის განკუთვნილი პირობები რეფინანსირების სესხზე წვდომას პრაქტიკულად გამორიცხავს.
აღნიშნული წესი მ/ბანკებს გირავნობის ბანკთან გათანაბრებულ მოთხოვნებს და კვოტებს უყენებს. მათ შორის პორტფელის სტრუქტურასთან მიმართებაში. სებ-იდან მისაღები ლარის რესურსის მოცულობა განისაზღვრება მ/ბანკის აქტივში არსებული ფასიანი ქაღალდების 35%-ით. შესაბამისად თუ მ/ბანკს აღნიშნული ინსტრუმენტით არ აქვს გასესხებული, მ.შ ფინანსთა სამინისტროსთვის, სახაზინო ობლიგაციებით, მაშინ რეფინანსირების სესხსაც ვერ აიღებს.
